Papa vul mantegnair duair da celibat

(gsc) «Le Courrier» (Genevra; www.lecourrier.ch) dal prim da favrer rapporta da decleraziuns da papa Francestg ils 28 da schaner durant ses sgol da Panamá vers l’Europa (p. 14, sut «Religions»): «Jau persunalmain manegel ch’il celibat saja in dun da Dieu (…) e na vi betg cumparair avant El [suenter la mort] cun ina tala decisiun [da lubir l’ordinaziun d’umens maridads sco tar ils catolics da ritus oriental].» Areguard il ritus latin, quel da bunamain tut ils catolics, ha Francestg fatg endament ina frasa da papa Paul VI (Giovanni Battista Monti, 1897–1968): «Jau hai pli gugent da dar mia vita che da midar la lescha dal celibat.» Il papa ha lura commentà: «Ins duai repeter quella frasa perquai ch’ella è ina frasa curaschusa, al mument il pli grev, il 1968.»

Funtauna: ATS