Assistent d’investiziuns digital

(cp) La Banca Chantunala Grischuna (BCG) ha cumenzà l’onn 2019 cun in nov mund d’investiziuns. La banca cumplettescha sia paletta da purschidas e resguarda uschia anc meglier ils differents basegns dals clients. Il nov assistent d’investiziuns online gida ils clients a moda simpla a chattar las dretgas soluziuns d’investiziun.

A las clientas ed als clients stattan da nov a disposiziun set soluziuns d’investiziun individualisadas. Ellas sa differenzieschan areguard l’investiziun da chapital, la capacitad da supportar ristgas ed il basegn da cussegliaziun. Ils investiders decidan quanta cussegliaziun ch’els giavischan e quant fitg che la banca sustegna tar decisiuns e transacziuns. Ils mandats da l’administraziun da la facultad etablids ed il plan da spargn cun investiziuns porscha la BCG era vinavant.

L’assistent d’investiziuns da la BCG

Per las clientas ed ils clients che vulan s’infurmar online davart las differentas pussaivladads ha la BCG sviluppà in nov assistent d’investiziuns. Suenter avair respundì a paucas dumondas chatt’ins spert la soluziun d’investiziun adattada.

Uschia daventa il mund d’investiziuns da la BCG anc pli simpel e modern. Testai uss ed As infurmai sin: gkb.ch/anlegen