Quatter tetels pigl 
Club Bual Lantsch

(anr/gns) Per la garda giovna digls passlunghists è igl de grischun da passlung la culminaziun dalla staschung. Gia li ò l’occurrenza 2019 sonda passada a Clostra. Ord vista da nossa regiun è igl event da passlung sto en success. Uscheia ò per exaimpel Pablo Baselgia da Lantsch gudagnea la cursa singula (2,1 km) dalla categoria mats U12. Tar igls mats U14 (4,2 km) ò Robin Bläsi da Lai contanschia igl terz post. Gudagnea la categoria mats U8 (0,8 km) ò Dario Spadin da Lantsch. Dus ulteriours success ègl do pigl Club Bual Lantsch tar las cursas da staffetta. Tar igls mats U14 (3×1,6 km) ò la concurrenza betg gia stetg cunter igls treis passlunghists da Lantsch. Cumpletto igl success surmiran ò igl team Nordic Surses cugl terz post. Bual Lantsch gudogna er la staffetta tar las mattas U8 e tar igls mats U12 è igl team da Bual Lantsch nia terz.

Bronz ègl do per las mattas da Nordic Surses ainten la categoria U16.