Premi da Bio Grischun va 
a la Bieraria da Tschlin

(anr/ac) La Bieraria da Tschlin ha retschavì la gievgia passada a Landquart il Premi Bio Brischun 2019. L’organisaziun dals purs da bio grischuns surdat quella distincziun regularmain ad instituziuns che sa deditgeschan a la producziun ecologica. Dals trais nominads ha la giuria la fin finala preferì la Bieraria da Tschlin che producescha dapi intgins onns a Martina. A chaschun da la surdada dal premi la gievgia passada a Landquart ha il mainafatschenta da la bieraria, Reto Rauch, engrazià per la distincziun ch’el valitescha sco segn da confidenza vers la bieraria, ils emploiads ed ils producents che furneschan la materia prima. La Bieraria da Tschlin è tranter las numerusas bierarias pitschnas en Svizra ina da las grondas. Il mainafatschenta ha appellà als producents sa radunads a Landquart a chaschun da la radunanza da Bio Grischun da s’annunziar sch’els sajan pronts da furnir ierdi e furment a la bieraria ch’ha augmentà sia purschida tranter auter cun in vinars da biera.

pagina 2