Orientaziun davart 
Via s. Giachen a Cuera

(cp) L’Uniun Via s. Giachen el Grischun envida a Cuera ad in referat davart la «Via s. Giachen – Rein – Reuss – Rodan». Quel ha liug ils 4 da mars 2019 allas 18.00 ella sala dalla pleiv dil Salvader. A referir vegn Peter Salzmann, meinapelegrins.

La Via da s. Giachen dil Rein tier la Reuss al Rodan ei vegnida aviarta 2018. Quella Via da s. Giachen el Valleis concluda la Via da s. Giachen tras las Alps che meina naven da Pustertal/Tirol dil sid tras il Grischun, Uri vi el Valleis al Lag da Genevra. Quella via sur ils cuolms lai evenimentar nus con reha che la cultura digl entir spazi alpin ei. Il referent ei quel ch’ha giu planisau e realisau la Via da s. Giachen naven dil Rein tier la Furca al Rodan el Valleis e tochen a Genevra.

Pelegrinar ei el trend. Biars carstgauns enqueran cun pelegrinar distanza viers la hectica quotidiana, orientaziun, sentupada cun Diu, sesez ed auters carstgauns.