Gagl e plein fantasia

(anr/ac) La sonda vargada ha il til da tscheiver carmalau dabia aspectaurs per liung dalla via principala da Trun. Il publicum ei vegnius delectaus da biara fantasia da tscheiver naven dils pumpiers dalla Casa Depuoz sur il Plan d’instrucziun 21 da scolaras e scolars entochen il celibat, fusiun communala e la calira dalla stad vargada inclus ulteriuras numerusas formaziuns. Secapescha cun la rama musicala usitada purschida dallas enconuschentas formaziuns sursilvanas e visetas dalla Bassa. E tscheu e leu cun in pugn plein confettis. Sco ei s’auda tier in til da tscheiver.

pagina 4