Tematisà la translaziun simultana

(anr/ac) Cun ina dumonda vul il deputà Tobias Rettich (ps Tschintg Vitgs) evaluar la prontadad da la regenza grischuna dad introducir la translaziun simultana en il cussegl grond. Ferm sustegn da la vart grischuna taliana ha il deputà Tobias Rettich sentì en il cussegl grond per sia dumonda inoltrada a chaschun da la sessiun passada dal cussegl grond. E da la vart rumantscha tscherts dubis ch’ils custs per ina tala introducziun dad ina translaziun simultana pudessia succeder sin donn e cust da l’ulteriura promoziun linguistica per schanegiar il preventiv chantunal. En sia dumonda renda il deputà attent a la pratica dad ulteriurs chantuns bilings da pussibilitar a deputadas e deputads da s’exprimer en lur lingua materna e da translatar ils votums. Rettich vul savair da la regenza grischuna sch’ella vesia en la pratica actuala ina discriminaziun da las linguas talianas e rumantschas.

pagina 8