Chor Surselva: Ina messa da jazz

(anr/abc) Alla radunonza generala ha il dirigent dil Chor Surselva presentau dacuort il niev project. En vesta ei ina messa da jazz. Uonn entscheiva Rest G. Tuor siu 25avel onn sco dirigent dil Chor Surselva. Igl ei pia in onn giubilar. Suenter ch’el ha realisau cun siu chor regiunal ils pli divers projects suonda il 2019 e 2020 in ulteriur innovativ. Sco quei ch’el ha annunziau alla radunonza generala eis ei previu da rimnar cantaduras e cantadurs per ina messa da jazz. Quei stil d’accumpignar in survetsch divin sedifferenziescha pulitamein d’ina messa da Schubert ni da Mozart. Il project vul la suprastonza dil chor scriver ora publicamein.

pagina 3