L’influenza dils patratgs

Eras ti gia inagada en ina situaziun nua che ti has sentiu ch’ei va naven dad immediat meglier cun tei perquei che ti has emblidau vid tgei patratg negativ che ti eras?

Ti eis levgiaus e cuntents ed eis plein motivaziun. Lu vegn ord il nuot puspei endamen che ti havevas avon dacuort enzatgei negativ en il patertgar. Cun quei che ti vul denton far negins sbagls enqueras ti puspei tes dubis. Duront ch’ins piarda bia temps ch’ins savess guder ein ins fatschentaus d’encurir il negativ. Cu ins anfla puspei il schliet sesentan ins buca pli aschi bein, sco duront il temps cun ils positivs ni cun insumma negins patratgs el tgau. Quei muossa si tgei grond’influenza che nos patratgs han sin nus. Duront il temps ch’ins sesenta bein e plein energia ein negins patratgs che disturban.

Ei dat situaziuns che provocheschan quels patratgs negativs: Gliendisgis, l’aura, prestaziuns ni la fom.

Jeu creiel che tut ils carstgauns sesentan sco quei ch’els patratgan.

Igl ei semplamein donn da sedar giu el patratg cun caussas negativas. Sch’ins cala da far stem da quels patratgs ed accepta ch’il mund e tut quei che schabegia sissu ei buc adina aschia sco quei ch’ins vul. La megliera sligiaziun ei d’acceptar tut ed esser cuntents cun quei ch’ins ha ni cun tgi ch’ins ei, aschia resta pli bia temps per las caussas ch’ein impurtontas a ti.Alessio Schmed