60 onns runals e sutgera Veulden

(anr/bt) Ils 1959 èsi vegnì drizzà l’emprim runal per pussibilitar il turissem d’enviern a Veulden ch’era accessibel dals 1958 ennà cun la pendiculara. L’istorgia dals indrizs da sport è vegnida nudada da Gieri Battaglia en ina broschura festiva. En il curs da l’euforia turistica dals onns 60 è vegnì eregì l’emprim runal dal visiunari ed inventader da Razén Otto Anton Vieli per che er Veulden possia profitar dal turissem d’enviern. Quest indriz era savens tranter visiuns e falliment pervia da mancanzas da daners e naiv. Ma grazia a las stentas communablas da la populaziun e generus donaturs èsi reussì da betg be mantegnair il manaschi, mabain perfin d’al adattar ils 2004 als basegns actuals cun ina sutgera sin la Mutta ch’è en funcziun tut onn. Cun in di da festa da dumengia proxima sa regordan ils da Veulden dal passà da lur ovra cuminaivla che para d’esser sin buna via per l’avegnir.

pagina 9