Dis da l’aua a Scuol

(anr/afi) Il tema d’ingon pels Dis da l’aua a Scuol es «Derivanza ed istorgia». Il Di internaziunal da l’aua, proclamà da l’ONU, vain celebrà sün tuot il muond cun numerus arrandschamaints. Eir a Scuol e cuntuorns giova l’aua üna rolla importanta. Dürant l’eivna dals Dis da l’aua han lö prelecziuns, referats, üna tschaina sco da temps vegls ed ün teater musical. Il cumanzamaint vain fat als 16 da marz cun üna sairada dedichada al temp da bogns e curas chi ha cumanzà in Engiadina Bassa da l’on 1369. Dürant l’eivna tematica ha eir lö la radunanza generala da l’organisaziun Pro Büvetta Tarasp. Daspö l’on 2012 s’ingascha quist’organisaziun per mantgnair la Büvetta chi’d es gnüda fabrichada dals ons 1875 e 1876.

pagina 8