Ualti sulegliv e ferm favugn

Situaziun generala: La zona da pressiun bassa ha cuntanschì las inslas britannicas. En las regiuns alpinas furiescha il favugn.

Oz: Malgrà singuls nivels per gronda part sulegliv. Temperaturas tranter nulla e 14 grads, en regiuns da favugn fin 18 grads. En las muntognas ferms vents dal sid e sid-vest sco er in ferm favugn.

Prognosas: Gievgia avantmezdi anc intginas sulegliadas sut influenza dal favugn. Il ferm vent nà dal vest porta stemprads e precipitaziuns. Temperaturas da 12 fin 18 grads. Venderdi parzialmain sulegliv, cunfin da naiv sin radund 1000 meters.