Bravuogn e Filisur 
han ina nova revista

Muchetta è ina revista che rapporta da quai che curra e passa a Bravuogn ed a Filisur. Integradas en la nova revista èn la revista Pro Bravuogn e la revista Der Greifensteiner. Sco quai ch’il schefredactur da la revista Linard Nicolay ha ditg saja questa fusiun da las revistas ina consequenza da la fusiun politica da Bravuogn e Filisur. En la revista datti tranter auter da leger purtrets da persunas e famiglias, sgnoccas, i dat fotografias da novnaschids, ed er uniuns duain pudair sa preschentar. La revista ha in preventiv da radund 15 000 francs, la vischnanca da Bravuogn Filisur gida a finanziar ella, quai dasper las entradas dals abunaments.