Giuvenils èn cuntradictorics tar la politica da clima

(rtr) Cumbatter per mesiras cunter la midada dal clima gea, far midadas concretas però na: Giuvenils han posiziuns contradictoricas sch’i va per la politica dal clima. D’ina vart èn 69% da l’opiniun ch’ils umans stoppian agir immediat per franar il stgaudament climatic e 65% pretendan mesiras radicalas da la politica. Da l’auter maun refusan circa tuttina blers (66%) mesiras concretas, sco scumonds da motors da diesel u benzin. Sch’i va per l’agen cumportament, alur è er be ina minoritad pronta da desister, per exempel da sgular u da magliar charn. Venderdi vulan sin l’entir mund milliuns giuvenils ir sin via per la protecziun dal clima. Cun 70% sustegna la grond part dals giuvenils la chauma.