La pbd è cuntenta cun 
il rendaquint per ils 2018

(cp) Cun satisfacziun prenda la pbd enconuschientscha dal bun quint annual per ils 2018 dal chantun Grischun ed admonescha da tegnair en egl las expensas ils proxims onns.

Il rendaquint positiv dal quint annual per ils 2018 dal chantun Grischun legra la pbd. Ch’il rendaquint serra cun in gudogn operativ da 105 milliuns francs è d’attribuir er a la gestiun cumpetenta da l’anteriura cussegliera guvernativa e ministra da las finanzas Barbara Janom Steiner. La facultad dal chantun Grischun è vinavant cuntentaivla cun 2,5 milliardas agen chapital ed ina facultad disponibla dad 821,4 milliuns francs.

Plinavant sa legra la pbd da las autas investiziuns bruttas da 384,7 milliuns. Cun quai surprenda il chantun Grischun in’impurtanta rolla sco promotur da l’economia. Da quai sa resultan occupaziun e purschidas che vegnan da bun a las Grischunas ed als Grischuns.

Las vistas prevesan in rom da finanzas pli stretg, perquai èsi da basegns ina severa disciplina d’expensas, oravant tut considerond las sperditas d’entradas sin il livel federal en consequenza da l’agiustament da l’egualisaziun finanziala da la confederaziun sco er pervia da la lescha davart la refurma da las taglias sin interpresas e la finanziaziun da l’AVS.