Bun enviern per Pendicularas Savogni

(rtr) Las Pendicularas Savognin han gì in bun enviern – quai malgrà ch’il pli grond hotel en vischnanca ha gì serrà l’entir enviern. Las Pendicularas Savognin han gì enfin ussa stgars 2% dapli skiunzs sin pista. Il meglier di da la stagiun è stà il 1. da schaner cun 5600 persunas. Il directur da las Pendicularas Savognin Christian Prinz ha ditg che la serrada da l’hotel Cube ch’aveva 270 letgs haja uschia gì mo ina pitschna influenza sin ils affars da l’enviern. Sch’ins haja duas bellas fins d’emna cun sulegl, alura saja quai guardà a curta vista franc pli impurtant che l’hotel Cube.