Aua Grava, aua clara

(anr/abc) La vischnaunca da Laax investescha 17,1 milliuns francs el project wellnesshostel3000 ed Aua Grava. En cuort siara il bogn per in onn e miez. Igl atun vargau ha la radunonza communala da Laax approbau il project. Enstagl da realisar la sanaziun urgenta dil bogn suenter 37 onns investescha la vischnaunca en in project cumplessiv ch’ei pusseivels grazia alla collaboraziun cull’Associaziun svizra per albierts da giuventetgna. Ils 31 da mars 2019 finescha la historia dil bogn cuvretg Grava e quella dall’Aua Grava entscheiva. Adrian Caduff, il menader dil bogn cuvretg Grava, transferescha siu menaschi interimistic el hotel Laaxerhof a Murschetg. Leu san las scolas da Laax, Ilanz/Glion e Lumnezia frequentar vinavon las lecziuns da senudar. Il november 2020 eis ei planisar d’arver il wellnesshostel3000, respectiv igl albiert da giuventetgna ed il bogn niev public Aua Grava.

Pagina 5