Il Chor dil gimnasi claustral va sin turnea

(anr/ff) Gia per la 47avla gada serenda il Chor dil gimnasi dalla claustra Mustér sin viadi per dar concert a Cuera, Andermatt e Turitg. Quella gada stat el sut la direcziun da Peter Werlen, il successur da Clau Scherrer. El cuntinuescha cul spért pedagogic dad approximar ils giuvenils alla musica classica. Werlen ha tscherniu cumposiziuns dalla classica moderna da Benjamin Britten, Arvo Pärt e sco part principala il requiem «Eternal Light» da Howard Goodall. Il chor vegn accumpignaus d’instruments da corda, dalla harpa e dil clavazin. Glisch e tarlischur retscheiva la presentaziun dil cant solistic dalla sopranista Letizia Scherrer e dil bariton Mariàn Krejcik. Il concert dalla sonda a Trun ha glischau e tarlischau a moda plascheivla.

pagina 3