TCS Surselva senta il trend

(anr/abc) Venderdis-sera ei la gruppa regiunala Surselva dil TCS Grischun s’entupada a Glion alla 59avla radunonza generala – cun participaziun da record. Ina gada ad onn ha la suprastonza da dar plaid e fatg als commembers, igl ei la radunonza statutarica dall’uniun ch’exista dapi 1960 sco sutgruppa dalla secziun Grischun dil Touring Club Svizra. Il svilup demografic en Surselva, mo era il desinteress general enviers uniuns semuossa marcantamein. Il regress da commembers ei capeivels ord vesta dalla tendenza generala: Las biaras uniuns piardan cuntinuadamein commembers. Il motto «uniun dat forza» vala buca pli ton sco antruras. La gruppa regiunala Surselva seigi la pli activa da tuttas, ha il vicepresident dil TCS Grischun, Armin Candinas, sincerau a caschun dalla radunonza generala a Glion.

pagina 7