Emprima bilanza cun
Christian J. Jenny

Il president communal da San Murezzan dovra anc dapli temp per emprender ad enconuscher tut sias lezias, funcziuns ed er ils passa 250 collavuraturs. Perquai na discurra Christian Jott Jenny era betg gugent da la tipica bilantscha suenter 100 dis. Il nov president communal da San Murezzan è entant dapi stgars trais mais en uffizi. Udì e legì da l’artist e directur dal Festival da Jazz han ins dapi là gia pliras giadas.

Il cussegl communal ha scursanì sia paja per 34 000 francs sin 196 000 francs, e reducì ses pensum da lavur sco president communal sin 90%. Jenny ha gì ina gronda attenziun mediala tras las nozzettas da l’India ed ha demonstrà in grond engaschament persunal per puspe realisar in kino.

Grond’attenziun mediala tras nozzettas da l’India. A reguard il kino haja entant dà in’unic recurs encunter il project e quai l’ultim di pussaivel. La vischnanca s’occupia uss cun quel recurrent.

Ed era sche Jenny ha adina puspè da sentir il cuntravent da las partidas fermas a San Murezzan (pld, pcd e pps), sa sentia el bain en sia nova funcziun. La finala saja el er bun d’improvisar – saja quai sin il palc artistic sco era sin il palc politic.

A reguard l’elavuraziun da la strategia 2030 per la vischnanca vesa Jenny ina chaussa gia fitg clera. El na vegnia betg ad esser al timun da San Murezzan en 11 onns. Jenny fa ferm quint che las vischnancas da l’Engiadin’Ota hajan fin là fusiunà e vegnian manadas d’in CEO a moda economica.

Ils interprendiders e commembers dal cussegl d’administraziun, Roger Kunz da Tavau e Thomas Steinmann da Claustra, remplazzan il gestiunari Peter Baetschi en la direcziun operativa. Els auzan er lur part d’aczias e tegnan da nov 40% dal chapital, han communitgà las pendicularas.