Discussiun cun treis candidatas a Zezras

(cp) La partida cristiandemocratica (pcd) dil Grischun presenta ina gliesta cun treis dunnas sco candidatas per il Cussegl naziunal. Igl ei quei: dr. Carmelia Maissen, Castrisch, Yvonne Brigger-Vogel, Zezras, e Gianna Luzio, Savognin. A caschun dalla discussiun publica a Zezras sepresentan e discussiuneschan ellas davart lur motivaziun da candidar e lur interess per ed experienzas ella politica.

Brigger-Vogel da Zezras, meinagestiun dalla Cuminonza d’interess Grischun Turissem, ei suppleanta dil cussegl communal da Zezras. Luzio da Savognin, ch’ei dapi igl atun 2018 secretaria generala dalla pcd svizra, ha era gronda experientscha sil palancau administrativ federal. Maissen da Castrisch, politicra cun tgierp ed olma, ei presidenta communala dalla gronda vischnaunca dad Ilanz/Glion e deputada. Ei dat plinavon caschun dad emprender d’enconuscher era las candidatas dalla pcd giuvna.

La discussiun cun las candidatas dalla pcd per il Cussegl naziunal ei publica. Ella ha liug mardis, ils 9 d’avrel 2019 allas 20.15 ella casa dalla pleiv catolica a Zezras. Allas 19.00 salva la pcd dallas dunnas la radunonza annuala.