Ipotecas per immobiglias 
uschè bassas sco anc mai

Per l’emprima giada è il tschains directiv sa reducì sut 1%. Quai mussa il nov barometer dal servetsch da cumparegliaziun comparis.ch. Questa marca psicologica dad 1% è vegnida sutpassada l’emprima giada. Ipotecas fixas èn stadas la fin mars tar 0,97%. In bass da record hai era dà tar las ipotecas fixas da 10 onns, quellas eran tar 1,2%. Cun quai cuntinua il trend dals tschains ipotecars. L’october passà eran ils tschains anc tar 1,13% per ipotecas sur tschintg onns e tar 1,62% per ipotecas sur 10 onns. La raschun ch’ils tschains ipotecars van enavos saja surtut il cumbat da concurrenza che creschia.