Ils gods e la müdada dal clima

(anr/afi) Las curunas da la bos-cha funcziunan sco üna vetta d’isolaziun termica. Uschè sun las plantas e las bes-chas chi vivan i’ls gods main expostas al müdamaint dal clima actual co a quellas spezchas chi vivan our i’l liber. Perscrutaders da l’Europa, da l’America e dal WSL han per la prüma jada pudü confermar a man da masüraziuns fundadas üna differenza da temperatura dadour ed aint ils gods. Aint ils gods esa in media quatter grads plü frais-ch. D’inviern e dürant las nots as müda quista situaziun e la temperatura i’ls gods es in media per ün grad plü choda. In Grischun sun bundant 30 pertschient da la surfatscha cuvernada cun god e quella crescha ad ün crescher.

pagina 11