La Val Schons 
e la e-mobilitad

(rtr) En Val Schons survegn la e-mobilitad dapli muntada. A Vargistagn san ins prender a fit in auto electric. Quai saja ina cumplettaziun al traffic public e nagina concurrenza, dian ils responsabels.

Cun il turissem miaivel sa fetschia la purschida da la mobilitad electrica fitg bain, è Fabio Maurizio dal Parc da la Natira Beverin persvadì. Parter in auto e spezialmain in auto electric cun auters è tenor Andrea Gaudenz in model interessant. Uschia metta el a disposiziun ses auto a Vargistagn nua ch’interessents san prender a fit l’auto electric. Per Gaudenz na porta quella purschida anc nagin gudogn, el saja dentant enfin in tschert punct er in idealist.