Cuschina multiculturala

(anr/sr) L’jamna vargada han tschun scolaras e scolars dalla secunda classa primara dalla vischnaunca da Sumvitg astgau cuschinar cun Vrena Werth, la possessura dil Hotel Rhätia a Mustér. Quel ei in menaschi etabliu dalla Gilda che porscha ensemen cun «Schweizer Fleisch» dapi entgins onns ils cuors da cuschinar per affons dad otg tochen dudisch onns. Atgnamein fan Gilda e «Schweizer Fleisch» gia propostas per sempels menus che duein vegnir preparai quels dis. La derivonza dils affons dalla secunda classa da Rabius ha denton animau ad in experiment tut aparti. Aschia ha ei dau capuns ord la Svizra, ina suppa da spagnolets dalla Nigeria, ris cun casimir sco a Sri Lanka ed in dessert dil Portugal.

pagina 8