Viandar ei el trend

(anr/sr) Viandar ei el trend e gida perfin da destressar. Era las persunas giuvnas han scuvretg ils davos onns quei sport popular. Ella campagna da stad metta Svizra Turissem il viandar el center e vul en quei connex far enconuschentas las sendas da viandar el lontan. Tenor in studi che Svizra Turissem ha lantschau – ed interrogau 5340 persunas en Tiaratudestga, Frontscha, ellas Tiaras Bassas, el Reginavel Uniu ed en Svizra – ei il viandar pli e pli el trend. Il studi che cumpareglia la situaziun dallas tschun tiaras cumprova ch’il sport popular svizzer viandar ei la cumpensaziun la pli populara per il stress ella societad da prestaziun. In emprem facit dil studi cumprova era che Svizras e Svizzers semuentan specialmein savens ella natira e sesentan perquei significontamein pli pauc influenzai ella sanadad entras stress che persunas ellas autras tiaras. Viandar ei in sport popular senza squetsch e duei carmalar aunc dapli hosps en nossa biala tiara.

pagina 14