Repower mantegna sia strategia

(anr/fa) La direcziun da la Repower AG cun sedia a Poschiavo es «suot il strich» cuntainta cul resultat da l’on da gestiun passà. Sco chi han dit CEO Kurt Bobst e Monika Krüsi chi presidiescha il cussagl administrativ da l’interpraisa a chaschun da la radunanza generala a Puntraschigna porta la strategia definida i’ls ultims ons uossa früts. Perquai prevezzan direcziun e cussagl administrativ da la Repower da cuntinuar sülla via inchaminada. Las 161 acziunarias ed acziunaris preschaints a la 115avla radunanza generala han acceptà la proposta da pajar üna dividenda da 0.50 francs per aczia al nom. L’ultima jada cha la Repower ha pajà a seis acziunaris üna dividenda es stat da l’on 2013.

pagina 9