Organisaturs dall’EX18 
a Mustér ein cuntents

(anr/hh) Igl atun vargau ha l’endischavla exposiziun da commerci e professiun EX giu liug el Center da sport e cultura a Mustér. Alla radunonza generala dall’Uniun da commerci e professiun Mustér ch’ha giu liug dacuort han ils organisaturs tratg bilanza. Duront ils treis dis d’avertura ei vegniu nudau rodund 9000 frequenzas. L’EX18 ha fatg ina sviulta da rodund 280 000 francs. Tenor la presidenta dil comite d’organisaziun, Rita Huonder-Tenner, ei seresultau in pign gudogn da 7000 francs. Quel seigi d’attribuir al generus sustegn dalla vischnaunca da Mustér. Davart la proxima EX duei vegnir decidiu gia l’auter onn.

Pagina 5