Uvestg Amédée Grab è mort

L’anteriur uvestg da Cuira saja mort nunspetgadamain la dumengia en ina chasa da tgira a Roveredo. Quai ha communitgà l’uvestgieu da Cuira. Amédée Grab è stà uvestg da Cuira dal 1998 fin il 2007. L’anteriur uvestg da Cuira, Amédée Grab, è mort en la vegliadetgna dad 89 onns. El saja mort la dumengia nunspetgadamain en ina chasa da tgira a Roveredo, ha communitgà l’uvestgieu da Cuira.

Amédée Grab era enconuschent sco um da la conciliaziun. Il 1998 ha el surprendì il timun da Wolfgang Haas da l’uvestgieu da Cuira. Avant aveva el era manà la diocesa da Losanna, Genevra e Friburg. El è stà l’emprim uvestg en uffizi ch’ha midà l’uvestgieu. Il 2007 ha Amédée Grab lura demissiunà sco uvestg da Cuira ed è sa retratg en la Casa di Cura Immacolata a Roveredo.

Il requiem pontifical ha lieu ils 27 da matg a las 14.00 en la catedrala a Cuira. Amédée Grab vegn sepulì en il santeri da la catedrala.