Sairas cleras era d’enviern?

DA FLURIN ANDRY / ANR

La maioritad dal parlament da l’UE less abolir il temp da stad. Tge ch’els lessan avair enstagl da quel, tut onn temp d’enviern u da stad, quai nu san els anc. Cur ch’ins ha introducì l’onn 1977 en Europa e 1981 er en Svizra il temp da stad per spargnar uschia energia grazia a las sairas pli ditg cleras devi numerusas vuschs criticas. Che quai saja cunter la natira e nausch per la sanadad dals umans, avertivan blers.

Durant ils proxims decennis han ins udì adina damain da questas vuschs cunter il temp da stad. Be mintgatant vegniva puspè pretais da l’abolir. L’onn passà s’ha però intensivà quist moviment cunter il temp da stad puspè: En stadis da l’Uniun europeica (UE) han ins fatg ina retschertga.

Da quella èsi sa resultà che la maioritad da la glieud saja da l’avis ch’i fiss dad abolir quest mez onn cun il temp da stad. Da quel avis èn er ils blers dals deputads al parlament da l’UE: L’onn 2021 vulessan els metter ord funcziun il temp da stad. Sch’ins vuless per la paja introducir tut onn il temp d’enviern, resp. il temp da stad, quai nun han els anc decis. Sco che la retschertga en Engiadina Bassa mussa datti arguments per tuts dus temps. Ina rolla particulara gioga qua la cleritad.

pagina 7