Gianluca Vincenz (23), student, Breil

Tgei munta il romontsch per Vus?

Damai ch’jeu sun mintgamai mo la fin d’jamna ella regiun romontscha munta il romontsch per mei esser da casa ed en buna cumpignia cun buns discuors. Il lungatg promova era la solidaritad denter ils Romontschs.

Co promovis Vus il romontsch?

Adina cu ina pusseivladad sedat duront ina conversaziun culs collegas da lieunga tudestga emprovel jeu da mussar enzacons plaids romontschs. Magari drov’ei schizun ina declaraziun per mussar si con impurtont ed era tgei muntada ch’il romontsch ha per nus.

Tgei avegnir ha il romontsch?

Cun il grond engaschi da tut ils Romontschs da promover ed era da duvrar il lungatg el mintgadi vesel jeu in bien avegnir per nies lungatg. Era igl interess d’autra glieud – che tschontscha buca romontsch – crescha da miu avis. Quei ves’ins era bein tier (pre)nums romontschs ch’ein fetg populars.

www.100onns.ch