Rangers da Trin e Flem

Da augustin Beeli /ANR

(anr/abc) Il project dall’avertura dalla Ruinaulta s’avonza – cun in’excepziun. Igl ei la pli impurtonta. L’uniun Ruinaulta spetga silla decisiun da Losanna. Daferton ha ella surdau al menaschi forestal da Trin-Flem il survetsch da rangers. En connex cul menaschi da pilot dils rangers ella Ruinaulta ha ei dau l’entschatta digl onn 2019 ina viulta nunspitgada. La menadra da quei survetsch, Murièle Jonglez, ei vegnida malsauna ed ha visau sia plazza silla fin da zercladur. Finamira dil project da pilot eis ei stau naven dall’entschatta da direger ils visitaders e da rimnar las experientschas alla front. Quella sfida ha Jonglez buca dumignau. Malgrad che la gruppa directiva hagi susteniu il survetsch da rangers hagien ins buca constatau ina soluziun persistenta che havess dau ina certa garanzia persistenta, scriva il president dall’uniun Ruinaulta en siu rapport annual. La suprastonza ha vuliu aschuntar in tierz onn da pilot per quei survetsch. Da pliras candidaturas da las vischnauncas ha la gruppa directiva risguardau quella dil menaschi forestal Flem-Trin. Questa stad vegn quel a far turas ed exequir il survetsch ensemen cun Pirmina Caminada.

pagina 3