Barbara Riedhauser (51), naturopata

Tge munta par Vus igl rumàntsch?

Rumàntsch e igl mieus lungatg digl cor, cun pops ad animals bagliaf jou adigna rumàntsch. El mi â gido fetg d’amprender oters lungatgs. Crescher sei biling â svaglieu an me egn santimaint da flexibladad a da saver schonglar a giujear cun pleds.

Co promovez Vus igl rumantsch?

Jou bagliaf tànt sco pussevel rumàntsch. Scha jou saint c’igl visavi sa rumàntsch mid jou imediat, igl mi para curius a stantus da bagliafar tudestg cun egna parsùna rumàntscha.

Tge avagnir â igl rumàntsch?

Jou ve cunzund plascher c’igl dat famiglias ca promovan igl rumàntsch cun bagliafar el a cun schar ir lur unfànts an scoleta a scola rumàntscha. Par me e quegl egn’anzena da sprànza. Jou creg ca la glieud e oziglgi fri cunsziainta da la valeta digl rumàntsch a da la bilinguitad an general. Sch’igl rumàntsch viva an las famiglias â el egna bùna schànza da surviver.

www.100onns.ch