Concert accumpagnà 
cun clavazin a Sent

(anr/bcs) Ultimamaing ha gnü lö illa baselgia San Lurench a Sent ün concert cul Helvetia Quartett. A quel han fat part Lena Kipenheuer (sopran), Annina Haug (mezzo), Daniel Bentz (tenor) e Chasper-Curò Mani (bariton). Lur chant a capella es gnü accumpagnà per part al clavazin a cua da Simon Bächinger. L’organisaziun dal concert ha procurà sco adüna la Società d’Ütil public da Sent. La Schubertiada Engiadinaisa cun chanzuns in quatter, ma eir solo. Illa prüma part chanzuns internaziunalas ed illa seguonda part tanter oter chanzuns da Curò Mani chi’d es gnü onurà ed ha cumpli in lündeschdi seis 70avel anniversari. Ils preschaints han giodü ün concert cun vuschs bain equilibradas e cun accumpagnamaint cumpetent al clavazin.

pagina 9