Treis puras sursilvanas ad Umunumo

DA SUSI ROTHMUND / ANR

Duront duas jamnas ein las puras sursilvanas Barbara Candinas, Irma Caveng e Caroline Gerner stadas sin viseta tier las puras d’Umunumo el sid dalla Nigeria. Igl ei stau in’aventura ed in brat intercultural nunemblideivel per tut ils participai. Igl inscunter dallas puras grischunas cun quellas d’Umunumo ha giu liug el rom d’in viadi ch’ei vegnius organisaus dad Mbara Ozioma, in project d’agid al svilup dalla fundaziun «Tür auf – mo vinavon». Enzacons dis suenter lur retuorn en Svizra ha l’Agentura da novitads rumantscha discurriu cullas puras ch’eran aunc tut surpridas dallas experientschas ch’ellas han saviu far en Nigeria. Ellas han dau tips ed impuls allas puras d’Umunumo, per exempel per in survetsch da catering. Da l’autra vart han era las puras che vivan en relaziuns in toc pli semplas saviu dar enqual input allas puras sursilvanas. Lur esser direct e lur segirtad da sesezzas ha impressiunau las dunnas sin viseta.

pagina 2