Dentervals ha dau l’entschatta

(anr/ac) Per cumpleina cuntentientscha dad organisaturs e giugaduras e giugadurs ei la partenza dil giug el liber gartegiada. «La stria da Dentervals» carmala ed a caschun dalla premiera dalla gievgia vargada han ins pudiu endriescher dabia renconuschientscha per il giug, per l’inscenaziun e per la prestaziun da giugaduras e giugadurs. E quei malgrad che la historia ei tut auter ch’emperneivla. La tragedia vegn enramada dad Ursina Giger ch’anfla il dretg tun buca sulet musicalmein, mobein era en sias explicaziuns per tudestg. Cuntents da haver dau l’entschatta ein giugaduras e giugadurs suenter intensivas emprovas succedidas per part sut cundiziuns dall’aura meins agreablas.

pagina 4