Gion-Duri Gisler (77), scolast pensiunau, 
Flond

Tgei munta il romontsch per Vus?

Romontsch munta per mei ch’jeu sundel da casa leu nua ch’jeu sundel sedecidius da viver. Igl ei in’expressiun dalla cultura e dalla singularitad da quella part dalla Svizra.

Co promovis Vus il romontsch?

Dapi ch’jeu hai passentau cheu las vacanzas ed ussa, dapi ch’jeu vivel entgins onns permanentamein cheu, frequentel jeu cuors da romontsch. Jeu sesprovel da tschintschar romontsch cun amitgs e cun ir a cumprar en. Mintgaton legel jeu era las gasettas romontschas. Mia contribuziun persunala da s’integrar: Si cheu enconusch’ins mei cul num Gion-Duri, igl ei la translaziun exacta dil num ch’jeu haiel giu la Bassa.

Tgei avegnir ha il romontsch?

Jeu constateschel ch’ei vegn discurriu en Surselva ils davos 20 onns dapli romontsch. Cunzun observ’jeu che la giuventetgna discuora bia romontsch e ch’ella s’identifichescha era cun quei lungatg. Quei dat speronza. Jeu sun denton decididamein dil meini ch’ins sto tgirar ils idioms, e quei oravontut en scola.

www.100onns.ch