Per giuvenils ambizius

dad Augustin Beeli / Anr

Martin Candinas ei staus presents al giubileum da 10 onns che la Scola da talents Surselva ha festivau. Ella ha fatg quei en connex culla «Sport&Music Night 2019». 12 onns suenter che la giuvna pcd ha entschiet a s’engaschar per ina partiziun speciala dil scalem secundar dalla scola populara ha quella giu motiv da festivar. En preschientscha dad involvai ed adherents han scolaras e scolars purschiu ina sera da gala cun program e divertiment musical. Els ed il persunal d’instrucziun han vuliu engraziar a tuts involvai che han possibilitau da fundar en Surselva ina scola speciala per affons talentai en sport e musica. Alex Pfister e Silvio Pool, las duas persunas da clav ch’han dau igl impuls e gidau a fundar la scola, han muncau. L’ovra ch’els han dau vinavon alla generaziun giuvna para denton d’esser persistenta. Quei ha era Martin Candinas declarau en siu plaid festiv. Thierry Jeanneret, il menader dalla partiziun da sport digl Uffeci cantunal per la scola populara e sport, ha affirmau quei. Cun ina purschida pulpida han scolaras e scolars surviu e divertiu ils hops.

pagina 3