Cumpromiss tar gulivaziun da finanzas

da Martin Cabalzar

Tant cussegl naziunal sco cussegl dals chantuns han approvà in cumpromiss davart la gulivaziun da finanzas e da las incumbensas tranter la confederaziun ed ils chantuns. Provotgada era la discussiun vegnida perquai che chantuns che retrain daners survegnan en la pratica dapli che previs, fertant ch’ils chantuns pli bainstants ston pajar memia bler. Quai ha ils ultims onns adina puspè chaschunà nausch sang. Uschia avevan chantuns da la Svizra centrala gia smanatschà cun boicots. Cun il cumpromiss vegn ina part da quest malesser curregì. Ils chantuns ritgs ston paja in zichel damain e las citads survegnan supplementarmain 140 milliuns – tranter auter per la furmaziun e l’agid social. Era la confederaziun spargna daners cun reducir la contribuziun per infrastructuras minimalas. Radund 280 milliuns duain dentant restar en il sistem. Quels stattan a disposiziun durant ina fasa transitorica per sustegnair ils chantuns retscheviders che perdan plirs tschients milliuns. En il cussegl naziunal avevan ils chantuns da muntogna empruvà d’augmentar lur cumpart vid la petta, dentant senza success.

Pagina 2