Fusiun Chasa Puntota/CSEB

(anr/bcs) La radunanza Consorzi Chasa Puntota Dmura d’attempats Engiadina Bassa ha decis d’inchaminar üna via cumünaivla cul Center da Sandà Engiadina Bassa (CSEB). La decisiun da mantegner l’agen caracter suot ün tet cumünaivel es statta clera e decisa cun gronda majorità. Implü ha la radunanza eir decis da müdar l’artichel 45 dals statügts per pudair far la liquidaziun e da schoglier il consorzi. Il böt es da profitar da sinergias e d’avair üna vusch cumünaivla vers l’extern. La radunanza ha trat üna decisiun colliada cun emoziuns, per la suprastanza però necessaria per garantir a la Chasa Puntota ün bun avegnir, voul dir: Mantegner l’agen caracter suot ün tet cumünaivel.

pagina 9