Festa per lavur da piunier

(anr/fa) In gün 1918 vaivan inaugurà a Scuol ils cumüns da la regiun l’Ospidal d’Engiadina Bassa. Daspö 13 ons fa quel part dal center da sandà regiunal (CSEB). Daspö 11 ons spordscha l’Ospidal eir trattamaint integrativ. In quista partiziun vegnan cumbinadas la medicina da scoula culla medicina cumplementara. In sonda s’haja fat festa pel giubileum dubel, 111 ons ospidal regiunal ed 11 ons medicina integrativa in quel. Cusglier guvernativ Peter Peyer ha onurà «quistas ouvras da piunier». Ch’ellas muossan chi saja pussibel da s-chaffir centers da sandà regiunals e procurar cha’ls differents partenaris i’l sectur sandà collavuran a favur dals paziaints sco eir da la regiun, ha dit Peyer.

pagina 11