Cul spért divin

Dad Augustin Beeli / ANR

L’emprema gada ella historia da Glion ha ina mungia perdegau giu dalla scantschala dalla baselgia reformada da s. Margreta. Dumengia ei quei stau in signal marcant. Avon 500 onns havess la baselgia catolica duvrau refuormas. In dialog sincer e ver hagi denton muncau, quei che hagi la finala menau ad ina separaziun enteifer la baselgia catolic-romana. La dunna silla scantschala ha menziunau che la discordia hagi purtau bia trumpadas e dolur. Sora Monika Hüppi, commembra dil cussegl general dallas soras dominicanas da Glion, ei buca historiografa, mobein teologa. La predicatura festiva ei restada tier la teologia. Igl onn 1518 ei la baselgia da s. Margreta da Glion vegnida consecrada el stil gotic. Il medem temps ha la separaziun confessiunala entschiet ell’Europa. Ella creigi ch’il sogn Spért opereschi era el temps hodiern. Ch’il spért divin seigi activs muossi evidentamein il fatg che bia da quei che fuvi strusch imaginabel avon 100 ni 50 onns onns s’audi oz tier la normalitad. «Ein nossas vias veramein aschi differentas?» ei la clericala catolica sedumandada giud scantschala reformada. Il survetsch divin ecumen 
cul priedi da sora Monika ei stau in simbol marcant dalla fiasta «Reuniun – festivar communablamein» ch’ha entschiet a Glion.

pagina 3