Adina dapli lufs en Svizra

da Martin Cabalzar

La populaziun da lufs crescha ad in crescher. L’onn 2010 han ins constatà ils emprims tschintg lufs en Svizra, 2018 han ins gia registrà 47 lufs. En il Grischun han ins gia constatà dus trops. Plinavant datti in trop a Morbbia en il Tessin ed in trop ad Augstbord en il Vallais. En ils ultims tschintg onns han ils lufs stgarpà 1883 nursas, chauras u auters animals. Plirs lufs èn daventads unfrendas dal traffic. En il rom da la revisiun da la lescha da chatscha ha il parlament uss schluccà la reglamentaziun vertenta che resta en cumpetenza dals chantuns. Damai ch’ins ha già annunzià il referendum ha il pievel probabel l’ultim pled.

Pagina 2