Pass Lucmagn resta serrà

Il Pass Lucmagn resta serrà pervi dad ina crudada da crappa stersas saira. L’A13 è puspè averta. Tenor la polizia chantunala saja la via sin la vart nord da la gallaria Scopi cuvrida da crappa. Ils grips sajan fin quatter meters auts e blocheschian la via sin ina lunghezza da radund 30 meters. En consequenza resta il traject tranter Fuorns e Campra serrà il mument. Er serrada pervi dad ina crudada da crappa è la via sur il Pass dal Spleia.

Entant èn l’autostrada A13 tranter Tusaun e Roveredo e la via chantunala tranter Tusaun e Valragn puspè charrablas senza restricziun. Quai ha confermà la polizia chantunala sin dumonda dad RTR. Omaduas vias eran stadas serradas per motivs da segirezza suenter la plievgia intensiva e las auas grondas dals ultims dis.