Ftan ha ün lai da nodar

(anr/afi) La Pro Ftan s’ingascha activamaing per nouvas sportas pels giasts e’ls indigens. Avant divers ons as vaiva cumanzà culla lavur pel proget da reactivar il Lai da Padnal. Per realisar l’intent haja tanter oter fat dabsögn d’ün müdamaint dal plan da zonas da la regiun dal Padnal. In sonda passada ha gnü lö la festa d’inauguraziun dal lai da nodar, situà suot l’Institut Otalpin Ftan in direcziun d’Ardez. Il proget ha procurà per investiziuns da 400 000 francs. Daspö ün pêr eivnas vaina fingià fat adöver da la nouva sporta. «Id es ün giodimaint a verer co cha la glieud, ma impustüt ils uffants, giodan dürant l’eivna e las fins d’eivna il Lai da Padnal», uschè Balser Derungs, il president da la Pro Ftan.

pagina 7