Giubileum da survetsch 
agl spital da Tusàn

Susanne Item, sasainta a Tusàn, ad Ursina Crameri, sasainta a Seglias, ân dastgieu festivar lur giubileum da survetsch igls 1. da zarcladur.

Susanne Item â luvro durànt 15 ons agl spital da Tusàn. Antschiet â ella sco colavuratura da la cafeteria. Avànt tres ons â ella mido an la squadra da l’infurmaziùn. Que spurtegl e igl zenter pigl barat d’infurmaziùn agl noss manaschi a pigl sòlit ear igl amprem post da consultaziùn par paztgaintas a paztgaints sco ear par visitadras a visitaders.

Ursina Crameri lavura da 10 ons annà sco tgirùnza diplomada an la sala d’operaziùn. Igl e pér dacurt c’ella â surprieu igl post sco manadra substituta da quella partiziùn.

Da cuminànza cun l’antiera squadra ad igls miedis spezialists prepara Crameri las operaziùns ad otras intervenziùns chirurgicas.

Par que giubileum da survetsch betga da mintga gi gratulagn nus da cormeing a las nossas fidevlas impiegadas a nus glis angraztgagn par lur cunlavur angaschada durànt blears ons. Pigl avagnir glis giavischainsa cuntantientscha, bùna sanadad a blear plascher cun lur lavur.

Reto Keller, directur digl spital