Swiss Ski: Directur alpin Stéphane Cattin sa retira

(rtr) Suenter Andy Evers, il trenader da las disciplinas Speed, perda Swiss Ski in’ulteriur funcziunari en ina posiziun-clav. Il Bernais-Giurassian Stéphane 
Cattin remetta ses uffizi per motivs famigliars.

El ha cumenzà ses post tar Swiss Ski avant quatter onns il 2015. Sut la direcziun da Cattin han las atletas ed ils atlets da ski alpin fatg en total 18 medaglias als campiunadis mundials 2017 a San Murezzan, 2019 ad Åre sco er als Gieus olimpics 2018 a PyeongChang.

Igl è stà la fasa cun il pli grond success per la Svizra dapi la fin dals onns 1980. Sia successiun n’è anc betg reglada.