Jakob Niedermann (72), pur, Domat

Tgei munta il romontsch per Vus?

Jeu sun carschius si a Domat cun dus lungatgs, romontsch e tudestg. Il romontsch ei adina staus pli ferms ch’il tudestg. Cun mia tatta e mia mumma ei adina vegniu tschintschau romontsch. Jeu sundel adina staus loschs e leds da saver romontsch, semplamein il romontsch da Domat.

Co promovis Vus il romontsch?

Discuorer romontsch, gliez ei il principal. Il romontsch hai jeu saviu promover sur mes affons, lezs han dau vinavon ei a lur affons. Tut mes cumpogns tschontschan romontsch. Era el Chor viril da Domat e tschels chors promovin nus fetg il romontsch.

Tgei avegnir ha il romontsch?

Sch’ei va aschia vinavon a Domat culla scola bilingua haiel jeu buna speronza ch’il romontsch sappi semantener. Jeu sundel optimistics. Tut dependa sch’ins lai viver il romontsch sper il tudestg e sch’ins sedat breigia.

www.100onns.ch