5,4 milliuns per renovaziuns

Passa 40 ovras da protecziun cunter privels da la natira da vischnancas e da la Viafier retica duain vegnir mantegnidas e meglieradas. La regenza grischuna ha approvà il project collectiv «Reparaziun d’ovras da protecziun 2019». Ils custs totals muntan a var 5,4 milliuns francs. Bun 4,1 milliuns surpiglia il chantun.

Il chantun Tessin prenda mesiras pervia da las autas valurs d’ozon ed il smog. Per ils tschancuns d’autostrada tranter Chiasso e Taverne e tranter Mendrisio e Gaggiolo vala a partir dal suentermezdi tempo 80. La chalur dals davos dis haja pegiurà la qualitad da l’aria. Las cifras da la conferenza dals uffizis per l’ambient chantunals demussan che las valurs d’ozon en il Sottoceneri èn lunsch sur la limita da cunfin da 120 micrograms per meter cubic. A Chiasso per exempel muntan ellas a 296 micrograms. Las prognosas da l’aura mussan ch’i n’è betg da quintar cun in meglierament ils proxims dis. Las mesiras da limitar il tempo sajan perquai necessarias. A la populaziun vegni plinavant cusseglià da sa mover senz’autos. Sche quai n’è betg pussaivel duai vegnir furmà communitads da charrar.

La radunanza communala sto perquai deliberar in credit supplementar da radund 64 000 francs. 170 000 francs aveva il suveran deliberà per sanar l’alloschi da la chasa da scola. Passa 230 000 francs han las lavurs la fin finala custà. Planisà era en emprima lingia dad allontanar ils indrizs da l’implant civil e da sanar las tualettas e las duschas. Durant la sanaziun ch’ha durà mo dus mais hajan ins dentant constatà ch’i dessia ulteriuras chaussas che fissian bunas da realisar, sco fanestras.