Temperaturas enfin 35 grads

Situaziun generala: L’Europa centrala giascha vinavant en l’influenza dad ina ferma zona da pressiun auta.

Oz: En l’entira Svizra sulegliv. En las muntognas per part nivels da cumulus. Temperaturas maximalas durant il di en il nord enfin 33 grads, en il sid enfin 36 grads. Cunfin da nulla grads sin 4800 meters. En las muntognas flaivel vent dal nordvest enfin nord.

Prognosas: Sonda e dumengia en l’entira Svizra sulegliv e fitg chaud. La dumengia en il nord temperaturas enfin 36 grads, en il sid stitg cun enfin 32 grads. La dumengia leva tendenza d’urizis.